programación

Clásico moderno dirixido por Álex de la Iglesia no que se mesturan comedia negra, suspense e acción. Carmen Maura protagoniza esta historia, rodeada -e perseguida- de grandes nomes do cinema español (María Asquerino, Jesús Bonilla, Paca Gabaldón, Sancho Gracia, Emilio Gutiérrez Caba, Kiti Mánver, Terele Pávez… e tamén Marta
Fernández-Muro) como membros dunha comunidade de veciños moi particular e sen escrúpulos.

Sinopse: Julia (Carmen Maura) traballa nunha axencia inmobiliaria e atopa 300 millóns escondidos nun piso. A continuación trasládase ao apartamento de arriba e esconde o diñeiro, pero ten que enfrontarse á exasperada comunidade de veciños, encabezada por un administrador sen escrúpulos (Emilio Gutiérrez Caba), que fará todo o posible para retela e quedar coa fortuna.

Duración: 107 min

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

Drama dirixido por José Luis Garci con Antonio Ferrandis, Encarna Paso, José Bódalo, Agustín González e Marta Fernández-Muro, que narra a historia dun exiliado que regresa á súa cidade natal tras a ditadura e reencóntrase con antigas amizades… e coa muller que foi o seu amor de mocidade. Trátase da primeira produción española gañadora do Óscar á mellor película estranxeira, en 1983.

Sinopse: O famoso escritor Antonio Miguel Albajara (Antonio Ferrandis) regresa en 1981 a Xixón, a súa cidade natal, procedente de Estocolmo onde acaba de recibir o premio Nóbel de Literatura. Durante corenta anos foi profesor na prestixiosa Universidade de Berkeley (California), onde alternou o seu labor docente coa produción literaria que lle deu fama mundial. Volve a Asturias co ánimo de reencontrarse con Elena, un amor de mocidade, e gozar dalgúns dos praceres que debeu deixar atrás por culpa da súa fuxida da ditadura franquista.

Duración: 93 min

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

A obra narra a historia real de Sagrario Ribela Fra, unha mariscadora da ría de Ferrol xulgada por adulterio en 1972, abordando temas como o desexo, a violencia e a atmosfera opresiva da ditadura.

Acceso libre ata completar a capacidade do recinto.

A directora Eva Libertad asina unha emocionante ópera prima que mostra a loita e as dificultades que enfrontan as persoas xordas. Miriam Garlo e Álvaro Cervantes protagonizan esta historia que se alzou co Premio do Público no Festival Internacional de Berlín 2025 (Sección Panorama) e coa Biznaga de Ouro a mellor película, os galardóns para os mellores intérpretes (Garlo e Cervantes) e o Premio do Público no pasado Festival de Málaga. Ademais, conta con 6 nomeamentos aos Feroz 2026.

Sinopse: Ángela, unha muller xorda, vai ter un bebé con Héctor, a súa parella oínte. O embarazo fai aflorar os seus medos fronte á maternidade e sobre como poderá comunicarse coa súa filla. A chegada da nena xera unha crise na parella e leva a Ángela a afrontar a crianza nun mundo que non está feito para ela.

Duración: 99 min

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

7 nomeamentos aos Feroz deste ano para unha conmovedora película na que Jose Mari Goenaga e Aitor Arregi asinan unha profunda análise da vellez na comunidade LGTBIQ+, como é marxinada e os medos que a atenazan. O seu protagonista, José Ramón Soroiz, borda o seu papel e gañou o premio a Mellor interpretación protagonista no
73 Festival de San Sebastián.

Sinopse: Tras romper coa súa parella, Vicente (76 anos) leva a vida que realmente lle gusta en Maspalomas: o seu día a día pásao tombado ao sol, de festa e buscando o pracer. Un accidente inesperado obrígalle a regresar a San Sebastián e reencontrarse coa súa filla, a quen abandonou anos atrás. Vicente terá que vivir nunha residencia onde se verá empuxado a volver ao armario e a ocultar unha parte de si mesmo que cría resolta. Nesta nova contorna, Vicente deberá preguntarse se aínda está a tempo de reconciliarse cos demais… e consigo mesmo.

Duración: 115 min

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

Nomeada como mellor película de comedia nos Feroz 2026, esta longametraxe de animación é un acedo retrato do mundo ultracapitalista e salvaxe que nos rodea. Un moi coidado traballo que transmite no formal e no narrativo.

Sinopse: Arnold é un rato de mediana idade atrapado nunha crise existencial. O seu matrimonio desmoronase, a súa vida parécelle absurda e empeza a sospeitar que todo ao seu arredor é unha gran farsa. Cando o seu mellor amigo morre en circunstancias sospeitosas, Arnold convéncese de que algo non encaixa. O que comeza como unha paranoia cotiá convértese nunha fuxida desesperada cara a algo que se pareza, aínda que sexa un pouco, á liberdade.

Duración: 89 min

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

11:15 h – Conferencia inaugural de Nati Juncal.
Produtora e delegada de CIMA (Asociación de mulleres cineastas e de medios audiovisuais) en Galicia, sobre a situación das mulleres no sector.

A xornada estruturarase en tres mesas de diálogo:

12:00 h – Produción
Analizarase a produción con perspectiva feminista da man de Chelo Loureiro (Abano Producións), Paula Cons (Agalla Films), Uxía Caride (xerente de AGAPI – Asociación galega de produtores independentes) e Anxos Fazáns (Sétima), baixo a moderación da xornalista Ana G. Liste.

16:30 h – Narrativa e Creación
Xa pola tarde, abordarase a dirección, o guión e a interpretación con Jaione Camborda (directora de O Corno), a guionista Lidia Fraga, a directora de fotografía Lucía Catoira Pan e a actriz e presidenta da Academia Galega do Audiovisual (AGA), Lucía Veiga. Modera a guionista Diana López Varela.

18:15 h – Exhibición
O debate pecharase analizando o papel dos festivais e circuítos coas intervencións de Ana Domínguez, Xisela Franco, Ana Estévez e Lucía Rodríguez, moderadas por Elena G. Román.

19:45 h – Performance ‘Unha muller cunha cámara’, de Mercé de Rande e Juanma Lod
Fusiona danza e vídeo en tempo real, inspirándose na obra de Dziga Vertov para subverter o rol tradicional da muller.

Acceso libre ata completar a capacidade do recinto.

Esta adaptación da obra de José Luis Alonso de Santos con dirección de Manuel Gómez Pereira, opta a 5 premios Feroz 2026, incluído o de mellor película de comedia. Unha repartición en estado de graza (Mario Casas, Alberto San Juan, Asier Etxeandia, Elvira Mínguez, Óscar Lasarte e Antonio Resines, entre outros) que compón un divertidísimo vodevil de estilo berlanguiano.

Sinopse: Dúas semanas despois de acabar a Guerra Civil, Franco solicita unha cea de celebración no Hotel Palace.
Un novo tenente, un maître meticuloso e un grupo de prisioneiros republicanos expertos en cociña, deben preparar un banquete impecable en tempo récord. Todo parece ir como unha seda, pero na cociña trámase algo máis que un menú.

Duración: 106 min

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

‘Arrebato’ de Iván Zulueta é un filme de culto, moderno e posmoderno, que supón toda unha experiencia para o espectador. Eusebio Poncela, Will More, Cecilia Roth e Marta Fernández-Muro brillan neste thriller único e escuro.

No coloquio, Fernández-Muro repasará a súa carreira, as anécdotas acumuladas ao longo da súa traxectoria e os seus traballos con directores como Mario Camus, Pedro Almodóvar, Fernando Colomo, José Luis Garci, Álex de la Iglesia e Iván Zulueta. Experta roubaescenas e rostro imprescindible do cinema español dos oitenta, o seu nome atravesa as últimas décadas do cinema, o teatro e a televisión española –desde ‘Cajón desastre’ a ‘Farmacia de guardia’, ‘Periodistas’, e máis recentemente en ‘Seis hermanas’, ‘Supernormal’ e ‘Sin gluten’.

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.

Rafael Cobos, Fran Araújo e Alberto Rodríguez adaptan a obra homónima de Javier Cercas para converter en thriller político un dos episodios máis tensos da historia recente de España. Coas interpretacións de Álvaro Morte, Eduard Fernández, Manolo Solo e David Lorente, trázase unha crónica da Transición á democracia coas súas sombras e contradicións dun país no que aínda latexaba o franquismo. Opta a 5 Premios Feroz.

Podes retirar as túas entradas na oficina de Turismo da Praza de España desde 7 días antes de cada actividade e ata completar capacidade. Máximo 2 entradas por persoa. As butacas non ocupadas cinco minutos antes do comezo serán postas a disposición do público.